av Nils Henrik Smith
…………..«To menn i dress i frukostsalen ved Hotel Belarus,
Minsk, ein morgon i februar 2013,
ifølgje vår tidsrekning. Det slo han at viss einkvan observerte dei no, ville
dei sannsynlegvis (feilaktig) gå ut frå at han var ein aldrande, distingvert, utanlandsk forretningsmann,
kvithåra og iført formelt antrekk, som
naut frukosten i lag med sin yngre, russiske kollega, før dei i lag skulle praie
ein taxi (eller kanskje stige inn i ein ventande limousin) utanfor
hotellresepsjonen og deretter straks fare av
garde til møtet eller konferansen som var planlagt i lang tid på
førehand, og som var årsaka til at dei var i Minsk, i von om at det skulle
kunne lukkast dei å inngå viktige avtalar, til sams glede og nytte, og eit
nærare samband, ja, i beste fall til og med venskap, mellom deira respektive,
høgst ulike nasjonar, og den tredje nasjonen dei var i, og der møtet, eller
konferansen, av ukjente årsaker fann stad»……
Kva er ikkje lenger frå sanninga enn denne hypotetiske
feilslutninga? Den eigentlege årsaka til at han
befinn seg i Minsk er at han skal date ei kvinne som han har blitt kjend med
etter at dottera overtala han til å lage ein profil på Facebook som formidlar
kontakt med aust-europeiske kvinner. Eit begjær blir vekt i han. No er han i
Minsk, fast bestemt på å forføre denne kvinna som han trur han elskar.
Forfattaren har ein måte å skrive på som krev at du «er på»
heile tida. Ein nydeleg roman der vi får innsyn i denne mannen si einsemd, tap
og begjær. Ein liten godbit å kosa seg med.
Grethe Stavheim Mømb
Lesja bibliotek
Ingen kommentarer:
Legg inn en kommentar