av Christer Mjåset
Håkon er i 40-åra og på veg attende til sin
oppvekstby Lillehammer, for å ta del i begravelsen til barndomskameraten
Kristoffer som har mista livet i ei bilulykke.
Vi får fort følelsen av at dette er ein tur han ikkje er glad for å ta.
Ikkje berre fordi det er begravelsen til ein barndomskamerat, men han gruer seg
fordi det samtidig betyr at han kjem til å møta resten av kameratgjengen og
dermed er det truleg at det ubehagelege som skjedde den gong vil dukke opp som
tema.
Håkon var aktiv i ein gjeng med gutar som stjal, oppbevarte og selde
gjenstandar frå hus som stod tomme etter at eigarane hadde vorte fengsla for
landssvik.
Agnes var einaste jenta som ein sjeldan gong fekk vera med. Ho var
Håkon si fyrste store forelsking og ein nær ven. Mot slutten av sommaren
forsvinn Agnes, saka blir aldri oppklara og dette er med å skapa ei stemning av
uhyggje i kameratflokken. Etter den sommaren er dei aldri samla att, før denne
dagen i begravelsen til Kristoffer.
Når gravølet fortset i meir uformelle omgjevnader, ser vi at dei gamle
opplevingane har sett varige spor. Spenningar som har vore fortrøngd i fleire
tiår kjem til overflata. Kven var eigentleg Kristoffer, gruppa sin leiar? Tok
han nokon løyndomar med seg i døden?
Grethe Stavheim Mømb
Lesja bibliotek
Ingen kommentarer:
Legg inn en kommentar