Sommerboken

av Tove Jansson

 

Boka handlar om far, Sophia og farmor ute på ei øy i den finske skjærgarden. Mest handlar Sommerboken om Sophia og farmor og deira lille kvardag. Sommarøya blir deira vesle univers, ei eiga boble der utforsking av store og mindre store ting er i høgsetet. Farmora er den kunnige og kloke, Sophia den lille og nyfikne. Øya er tryggleiken der det same går att kvart år; til dømes kjem blomane opp på same tid som året før og nye ting skal oppdagast. Samtidig er det farar som lurar, til dømes flyttar folk ut til øya. Plutseleg er det ikkje lenger farmor og Sophia som bur lengst ute mellom skjæra..  

Midt på grusvollen hadde direktøren satt opp en stor plakat med svarte bokstaver: Privat område. Landgang forbudt. Vi går i land, sa farmoren, hun var meget sint. Sophia så redd ut. Det gjør en stor forskjell, forklarte farmoren. Ingen mennesker med god oppdragelse går i land på en annens øy når den er tom. Men når folk setter opp en plakat, så gjør man det fordi det er en utfordring. Selvfølgelig, sa Sophia og utvidet i alvorlig grad sine kunnskaper om livet.(s. 102)  

Boka er livsvisdom. Skiljet på alderdom og barndom kjem tydeleg fram. Dette er ei klok, humoristisk og underfundig, lita perle. Til å ta fram når ein måtte ynskje, til å bli glad i! Sommerboken kom ut fyrste gong i 1972, og er nå gjeve ut i ny, norsk utgåve med føreord av Tove Nilsen. Kos deg!

 

Ann Kristin Leirmo

Lesja bibliotek